శీనన్న సెల్ఫ్ షి"కారు"

క్యాంప్ కార్యాలయం నుంచి ఎన్టీఆర్ సర్కిల్ వరకు ఫార్చ్యూనర్ నడిపిన మినిస్టర్ పొంగులేటి

లోకల్ గైడ్ తెలంగాణ:ఖమ్మం :మంత్రి పొంగులేటి శీనన్న ఖమ్మంలో షి"కారు" చేశారు. పినపాక నియోజకవర్గ ఎమ్మెల్యే పాయం వెంకటేశ్వర్లు నూతనంగా కొనుగోలు చేసిన ఫార్చ్యూనర్ కారును ఆదివారం ఉదయం పొంగులేటి ఆవిష్కరించారు. అనంతరం ఆ కారును స్టార్ట్ చేసిన మంత్రి సరదాగా నడుపుతూ ఎన్టీఆర్ సర్కిల్ వరకు వచ్చారు. పొంగులేటిని అనుసరిస్తూ ఆయన కాన్వాయ్ వెనకనే వచ్చింది. కారు దిగాక పాయంకు ప్రత్యేక శుభాకాంక్షలు తెలిపారు. అక్కడ నుంచి తన కాన్వాయ్ లో ఇల్లందు పర్యటనకు బయలుదేరి వెళ్ళారు.