లోకల్ గైడ్:
1.పువ్వును చూసైనా
నువ్వు నిజం తెలుసుకో
నవ్వులు రువ్వైనా
నలుగురి మనసు గెలుసుకో
2.పిక్క బలం తక్కువైనా
పిట్ట బంధం గట్టిదే
దిక్కులేని శకుంతలకైనా
రక్షణ ఛత్రం పట్టలేదా
3.వ్యూహకర్తలు లేకుండా
ఎవరూఎన్నికలు గెలవలేరా?
కృష్ణుడు లేకుండా
కురుక్షేత్రం పాండవులు గెలిచేవారా
4.ఎండలు మెండుగా
పెరిగాయని నీకు కోపమేలా
నిండుకుండలా మేఘాలై
వర్షించేది నీకోసమేగా
5.చల్లగాలి సోకితే
తనువుకు సుఖానుభూతి
సాంత్వన మాట తాకితే
మనసుకు సానుభూతి
6.ఇతరులపై ఆధారపడటం
ఇబ్బందులకు తొలి మెట్టు
చీకటిలోకి నీవు వెళితే
నీడనే నిన్ను విడిచిపెట్టు
7.మండుటలు ఒకవైపు
మండే ధరలు మరోవైపు
టోపీ పెట్టించే వారు ఒకరు
టోపీ పెట్టేవారు మరొకరు
8.సంసారంలో అడుగు పెట్టాక
సమస్యలకు భయపడటమా
సాగరం ఏనాడైనా
అలలకు కలవరపడునా
9.అంగట్లో దొరకదు
ఆస్తులతో పెరగదు
అప్రమత్తతతో నీవుంటే
ఆనందం ఆరోగ్యం నీ వెంటే
వంగూరి గంగిరెడ్డి
9652286270
షాద్ నగర్
2.jpeg)
Comment List