లోకల్ గైడ్ తెలంగాణ:
తెలంగాణ రాష్ట్రంలో ఎస్సీ ,బీసీ కులాల అభివృద్ధి కాంగ్రెస్ ప్రభుత్వం తోటే సాధ్యం అవుతుందని తుంగతుర్తి నియోజకవర్గ యువజన కాంగ్రెస్ ప్రధాన కార్యదర్శి వేముల గోపినాథ్ అన్నారు.శనివారం స్థానికంగా ఏర్పాటు చేసిన విలేకరుల సమావేశంలో ఆయన మాట్లాడారు.ఈ నెల16న తుంగతుర్తి లో వ్యవసాయ మార్కెట్ యార్డ్ నందు నిర్వహించే కాంగ్రెస్ కృతజ్ఞత సభను విజయవంతం చేయాలని కోరారు.దశాబ్ద కాలంగా ఎస్సీ ఏబీసీడీ వర్గీకరణ ,బిసి కుల గణాలను చేయడంలో గత ప్రభుత్వాలు విఫలం అయ్యాయని నేడు ముఖ్యమంత్రి రేవంత్ రెడ్డి ఆధ్వర్యంలో కాంగ్రెస్ ప్రజా ప్రభుత్వం రెండిటిని విజయవంతంగా అమలు చేసినందుకుగాను కృతజ్ఞత పూర్వకంగా ఎమ్మెల్యే మందుల సామేలు అధ్యక్షతన నిర్వహించే సభను విజయవంతం చేయాలన్నారు. అసెంబ్లీలో స్పీకర్ పై అగ్రవర్ణ ఎమ్మెల్యే అనుచిత వ్యాఖ్యలను ఖండిస్తున్నామని, సూర్యాపేట ఎమ్మెల్యే జగదీశ్వర్ రెడ్డిని పూర్తిగా ఎమ్మెల్యే సభ్యత్వాన్ని రద్దు చేయాలని డిమాండ్ చేశారు. స్పీకర్ పై ఏక వచనంగా సంబోధించిన తీరు ను ప్రజలంతా ఖండిస్తున్నారని తెలిపారు.
2.jpeg)
Comment List