జనగామ జిల్లా పేరు మార్చితే మరో పోరాటానికి సిద్ధం - జనగామ జిల్లా జేఏసీ

లోకల్ గైడ్ తెలంగాణ:-

జనగామ జిల్లా కేంద్రంలో గల ఉద్యమ స్పూర్తి స్థూపం వద్ద మంగళంపల్లి రాజు అధ్యక్షతన సమావేశమైన జనగామ జిల్లా జేఏసీ నాయకులు జనగామ జిల్లా పేరు మార్చకుండా జేఏసీ ప్రతిగటించాలని తీర్మానించింది. ఈ సందర్భంగా ఉద్యమకారులు నల్ల కండువాలు ధరించి జనగామ జిల్లా స్పూర్తి స్థూపం(జైన స్థూపం)కి పాలాభిషేకం చేసి జిల్లా పేరు మారిస్తే ఉద్యమానికి సిద్ధం అని హెచ్చరించారు. ఈ కార్యక్రమంలో ఉద్యమకారులు డిఆర్ లక్ష్మి నారాయణ నాయక్ మాట్లాడుతూ "జనగామ జిల్లా పేరు మార్చాలని కొందరు కోరుకుంటే, జనగామ జిల్లా పేరు ఉండాలని అందరూ కోరుకుంటున్నారని" తెలిపారు. జనగామ జిల్లా జేఏసీ కన్వీనర్ మంగళంపల్లి రాజు మాట్లాడుతూ జనగామ జిల్లా పేరు మార్చడం అంటే ఇక్కడి మహనీయులను అవమానించడమే అన్నారు. ఏ ఒక్కరి పేరు పెట్టిన మిగితవారిని అవమణించినట్లు మిగితా వర్గాల మనోభావాలు దెబ్బతినే అవకాశం ఉందని, కావున జనగామ జిల్లా పేరును యదావిధిగా కొనసాగించాలని డిమాండ్ చేశారు. ఈ కార్యక్రమంలో ఉద్యమకారులు మల్లిగారి రాజు, గండి నాగరాజు, ఆకుల సతీష్, పిట్టల సురేష్, గంగా భవాని, మీసాల వెంకన్న,గన్ను కార్తీక్, ఆసర్ల సుభాష్, నర్ర నవీన్, తిరుమల్ రెడ్డి, ప్రణీత్ రెడ్డి, నల్ల రాహుల్, మద్దెల కార్తీక్, అజయ్, ఇమ్రాన్, కిరణ్ తదితరులు పాల్గొన్నారు.