వంగూరి వాచకం -నవరత్నాలు
1.లెక్క చేసి గీసేది
లంబకోణం
లెక్క లేకుండా చేసేది
కుంభకోణం
2.పెరిగితే కొండంతైతే
తగ్గితే చారెడంత
ప్రజల పాలిట తారలయ్యే
సరుకుల ధరలు
3.రాలిన కొద్దీ
చిగురించేను ఆకులు
తీరినకొద్దీ
ఊరేను కోరికలు
4.వృక్షం పైనే పక్షులు
కక్ష కడితే కష్టమెవరికి
సాగరం పైనే నదులు
అలిగితే నష్టమెవరికి
5.ఒట్టిమాటలు కట్టిపెట్టి
ఓటుతో గురిపెట్టి కొట్టు
ఎంతటి ఆటగాడైనా
బంతి ఉంటేనే సత్తా చూపెట్టు
6.నవ్వించి ఏడిపించి
కదిలిపోయేది కాలం
మురిపించి మరిపించి
తరలిపోయేది బాల్యం
7.అవసరమున్నప్పుడు
చెప్పే మాట నువ్వే అంతా
అవసరం తీరాక
వచ్చే మాట నువ్వెంత
8.పరుగెత్తే మనసును
అదుపు చేసేను వివేకం
పారే ఏరును
ఆపుదల చేయదా జలబంధనం
9.దాహం అయినప్పుడే
బావి తవ్వాలంటే ఎలా
మొహం కలిగినప్పుడే
తాళి కడతానంటే ఎలా
వంగూరి గంగిరెడ్డి
9652286270
షాద్ నగర్
.jpeg)
Comment List