ప్రజల కల్పించాల్సిన కనీస సౌకర్యాలలో అధికారులు జాప్యం వహిస్తే చర్యలు తప్పవని వరంగల్ పశ్చిమ నియోజకవర్గ శాసన సభ్యులు నాయిని రాజేందర్ రెడ్డి హెచ్చరించారు. సోమవారం రోజున నియోజకవర్గ పరిధిలోని 58 వ డివిజన్ ఎన్జీవోస్ కాలనీ మరియు రాఘవేంద్ర కాలనీలలో పర్యటించి సమస్యలను తెలుసుకున్నారు. అంతర్గత రోడ్లు నిర్మాణాల విషయంలో ప్రభుత్వం చిత్తశుద్ధితో ఉందని ప్రజలు సహకరించాలని కోరారు. కాలనీలో పర్యటిస్తున్న క్రమంలో విద్యుత్తు సమస్య, డ్రైనేజీ వ్యవస్థ సరిగా లేకపోవడంతో ప్రజలు తీవ్ర ఇబ్బందులకు గురవుతున్నారని ఎమ్మెల్యే ఆవేదన వ్యక్తంచేశారు. నిత్యం ప్రజల సమస్యలపై అధికారులు దృష్టి సారించాలని సూచించారు. ముఖ్యమంత్రి రేవంత్ రెడ్డి అభివృద్ధిలో భాగంగా వరంగల్ నగరంపై ప్రత్యేకంగా దృష్టి సారించారని నిధుల కేటాయింపు విషయంలో ఆయన కృషి చేస్తున్నారని అన్నారు. ఇప్పటికే 183 కోట్ల నిధులను గ్రేటర్ వరంగల్ మున్సిపల్ కార్పొరేషన్ అభివృద్దికి కేటాయించారని తెలిపారు. ప్రధాన సమస్యలను ఎ,బి,సి విభాగాలుగా విభజించి పనులు చేపట్టామని వివరించారు. పార్టీలకు అతీతంగా నాకు ఓటువేసి గెలిపించిన ప్రజలకు సేవ చేయడం నా బాధ్యత అని తెలిపారు. గత పాలకులు పార్టీల పరంగా నిధులను కేటాయించి వివక్ష చూపారని విమర్శించారు. ఈ ఐదేళ్ల కాలంలో పార్టీలు చూడమని, సమస్యలు ప్రతి అసమానతలు లేకుండా చేస్తానని అన్నారు. కాలనీలలో డ్రైనేజీ వ్యవస్థ,విద్యుత్తు సరఫరా వంటి సమస్యల పట్ల అధికారులు దృష్టి సారించాలన్నారు.కల్వర్ట్ నిర్మాణ పనులకు భూమి పూజ57 వ డివిజన్ పరిధిలోని కూడా కాలనీలో మునిసిపల్ కార్పొరేషన్ నిధుల నుంచి రూ 19 లక్షలతో నూతన బ్రిడ్జ్ (కల్వర్ట్) నిర్మాణానికి భూమి పూజ చేశారు.నిర్ణీత గడువులోగా పనులు పూర్తయ్యేలా చూడాలని అధికారులకు ఆదేశాలు జారీ చేశారు. అనంతరం మురికి కాలువ వెంట కలియతిరిగి పనులను పరిశీలించారు.ఈ కార్యక్రమంలో ఎమ్మెల్యే వెంట స్థానిక ప్రజాప్రతినిధులు,నాయకులు,అధికారులు,కాలనీ పెద్దలు తదితరులు పాల్గొన్నారు.
Comment List