అంగన్వాడీల వేతనాలు వెంటనే చెల్లించాలి....

లోకల్ గైడ్/ కొందుర్గు : ప్రభుత్వం అంగన్వాడి టీచర్లు అండ్ హెల్పర్ వేతనాలను వెంటనే చెల్లించాలని సిపిఐ జిల్లా కార్యవర్గ సభ్యులు బు ద్దుల జంగయ్య ప్రభుత్వాన్ని డిమాండ్ చేశారు. యూనియన్ ఫెడరేషన్ ఏఐటీయూసీ జాతీయ సమితి పిలుపు మేరకు  మంగళవారం  కొందుర్గు తాసిల్దార్ ఆఫీస్ సీనియర్ అసిస్టెంట్ ప్రకాష్ కు వినతి పత్రం ఇవ్వడం అందజేశారు. ఏఐటీయూసీ మండల అధ్యక్షులు బాగళ్ల నరసింహ ఆధ్వర్యంలో ఈ కార్యక్రమం కొనసాగింది. ముఖ్య అతిథిగా విచ్చేసినటువంటి తెలంగాణ వ్యవసాయ కార్మిక సంఘం బికేఎంయు జిల్లా ప్రధాన కార్యదర్శి బుద్ధుల జంగయ్య మాట్లాడుతూ ఎన్నికల ముందు అంగన్వాడి టీచర్ల ఆయాల సమస్యలన్నీ కూడా పరిష్కరిస్తామని హామీ ఇచ్చిన కాంగ్రెస్ ప్రభుత్వం ఇంత వరకు కూడా వారి సమస్యలు పట్టకపోవడం విడ్డూరంగా ఉందని ఆయన విమర్శించారు. 50 సంవత్సరాల నుంచి చాలీచాలి వేతనాలతో పనిచేసిన అంగన్వాడీలను రిటైర్మెంట్ చేసి రిటైర్మెంట్ బెనిఫిట్స్ ఇవ్వడంలో కూడా ప్రభుత్వం నిర్లక్ష్యం చేయడం అనేది సరైన పద్ధతి కాదన్నారు. అంగన్వాడీ లందరికీ కనీస వేతన చట్టం ప్రకారం 26000 ఇవ్వాలని రిటైర్మెంట్ అయినా టీచర్ల స్థానంలో గ్రాడ్యుయేట్స్అనుభవజ్ఞులైన ఆయాలను ఆ సెంటర్లలో టీచర్లు స్థానంలో పెట్టి పని చేయిస్తున్నారు. వారికి ఆయాల వేతనమే ఇస్తున్నారు. టీచర్లతో సమానంగా వేతనం ఇవ్వాలని ఆయన కోరారు .ప్రభుత్వం ప్రకటించినట్టుగా టీచర్లకు రెండు లక్షలు ,ఆయాలకు లక్ష, రిటైర్మెంట్ బెనిఫిట్స్ వెంటనే ఇవ్వాల డిమాండ్ చేశారు. అలాగే గ్యాస్ బిల్లు కూరగాయల బిల్లు అన్నీ కూడా పెండింగ్లో ఉన్నాయి. అంగన్వాడిసమస్యలతో కూడిన విన్నతి పత్రాన్ని ఎమ్మార్వో ఆఫీస్ సీనియర్ అసిస్టెంట్ ప్రకాష్ కు వినతి పత్రం ఇవ్వడం జరిగింది ఈ కార్యక్రమంలో అంగన్వాడి మండల అధ్యక్షురాలు యామిని ,కార్యదర్శి సువర్ణ, నాయకురాలు మనెమ్మ శ్రీలత ప్రమీల,రమాదేవి, తదితరులు పాల్గొన్నారు.