నకిలీ డి.ఎస్.పి నీ అరెస్ట్ చేసిన సూర్యాపేట పట్టణ పోలీసులు

అరెస్ట్ చేసి 18 లక్షల నగదు, ఒక కారు, పోలీస్ యూనిఫాం, 2 డమ్మీ మ్యాన్ ప్యాక్ లు స్వాధీనం

జిల్లా పోలీసు కార్యాలయం నందు మీడియా సమావేశం నిర్వహించి కేసు వివరాలను వెల్లడించిన సూర్యాపేట జిల్లా ఎస్పీ కే నరసింహ 

 లోకల్ గైడ్ ,నల్లగొండ:

సూర్యాపేటలోని శ్రీ గ్రాండ్ హోటల్ నందు ఒక వ్యక్తి అనుమానాస్పదం గా ఉన్నాడనే హోటల్ యాజమాన్యం ఇచ్చిన సమాచారం పై  వెంటనే శ్రీ గ్రాండ్ హోటల్ కి వెళ్ళి అక్కడ ఉన్న వ్యక్తిని అదుపు లోకి తీసుకొని బాధితురాలి పిర్యాదు మేరకు కేసు నమోదు చేసుకుని అతనిని విచారించమని, అతని పేరు బత్తుల శ్రీనివాస్ రావు అని, మఠంపల్లి మండలం మట్టపల్లి గ్రామం కు చెందిన  తాను డి.ఎస్.పి గా పరిచయం చేసుకొని అమాయకమైన నిరుద్యోగులకు పోలీస్ డిపార్ట్మెంట్ లో, సివిల్ సప్లయ్ లో ఉద్యోగాలు ఇప్పిస్తానని చెప్పి  వారి వద్ద డబ్బులు తీసుకొని జల్సాలకు ఖర్చు చేస్తాడని సూర్యాపేట జిల్లా ఎస్పీ నరసింహ చెప్పారు. గతంలో ఇతని పై మటంపల్లి, రాజముండ్రి 2 టౌన్, నర్సరావపేట రూరల్, త్రిపురాంతకం, మెడికొండూర్, మార్కాపురం లలో 2022 ఇదే విధంగా మోసం చేయడం తో కేసులు అయినవని, జైల్ కి వెళ్ళి బెయిలు పై వచ్చి సెప్టెంబర్ -2024 నుండి మరలా కొంత మందిని ఆటో డ్రైవరు ల ద్వారా, మంగలి షాపుల ద్వారా కొంత మందిని డి.ఎస్.పి గా పరిచయం చేసుకుంటాడని ఎస్పీ వెల్లడించారు. . అదే విధంగా కోదాడ లో ఒక అమ్మాయికి ఎస్సైఉద్యోగం ఇప్పిస్తానని ఆమె వద్ద రూ. 36,00,000/- (ముప్పై ఆరు లక్షలు), ఆంధ్రప్రదేశ్ లోని మార్టూరు కి చెందిన వ్యక్తి వద్ద కానిస్టేబుల్ ఉద్యోగం ఇప్పిస్తానని అతని వద్ద కొంత నగదు,  గురజాల కి చెందిన వ్యక్తి వద్ద జూనియర్ అసిస్టెంట్ ఉద్యోగం ఇప్పిస్తానని డబ్బులు లు తీసుకొని తన జల్సాలకు ఖర్చు చేసుకోగా కోదాడ కి చెందిన అమ్మాయి ఎస్సై ఉద్యోగం కోసం ఇచ్చిన డబ్బులలో మిగిలిన డబ్బులు రూ. 18,00,000/- ( పద్దెనిమిది లక్షలు )అతని వద్ద నుండి రికవరీ చేసి అతనిని రిమాండ్ కి పంపామని చెప్పారు. ఈ కేసును ఛేదించడం లో ప్రతిభ కనబరిచిన సూర్యాపేట పట్టణ సిఐ పి వీర రాఘవులు, ఎస్సై ఇరుగు సైదులు,  ఐడి పార్టీ సిబ్బంది విద్యాసాగర్, కృష్ణ, కరుణాకర్, సైదులు, మధు లను సూర్యాపేట జిల్లా ఎస్పీ నరసింహ అభినందించారు.