విద్యార్థులతో వెట్టిచాకిరీ.

- పెద్దేముల్ బాలుర వసతి గృహంలో విద్యార్థులతో పని చేయిస్తున్న వైనం.

- అంతే కాకుండా ఇతర కార్యకలాపాలకు అడ్డాగా మారిన హాస్టల్.

- ఇంతా జరుగుతున్నా సంబంధిత అధికారుల పైన చర్యలు శూన్యం..!

-విద్యార్థులతో వెట్టిచాకిరీ చేయించిన వారిపైన చర్యలు తీసుకోవాలి.

-విద్యార్ధి సంఘా నాయకుల డిమాండ్.

లోకల్ గైడ్/పెద్దేముల్:
పెద్దేముల్ మండల కేంద్రంలోని బీసీ బాలురు వసతి గృహంలో మంగళవారం విద్యార్థులతో వెట్టిచాకిరీ చేయిస్తూ.. ఆటోల నుండీ పెయింట్ బక్కెట్లు మోయించారు అంతే కాకుండా గతంతో కూడా వసతి గృహంలో పలువురు మధ్యం సేవిస్తూ హల్చల్ చేశారు. ఈ సంఘటన మరవక ముందే ఇప్పుడు విద్యార్థులతో పని చేయించడం దురదృష్టకరం, ఇంతా జరుగుతున్నా తమకు ఏమీ తెలియనట్లు వ్యవహరిస్తున్న హాస్టల్ వార్డెన్ తీరు అందరినీ అసహనానికి గురిచేస్తోంది. ఈ మేరకు విద్యార్థులతో వెట్టి చాకిరీ చేయిస్తున్న వారిపైన కఠిన చర్యలు తీసుకోవాలని పలు విద్యార్థి సంఘల నాయకులు డిమాండ్ చేస్తున్నారు. వీటన్నిటికీ కారణమైన హాస్టల్ వార్డెన్ పర్యవేక్షణ లోపమేనని వాపోతున్నారు.