లోకల్ గైడ్:
1.పరిమాణమే ప్రమాణమని
భ్రమ పడకు నువ్వు
ఎన్నో పనులు చక్కబెట్టదా
చిన్నదైనా చిరునవ్వు
2.మన్నూ నీరు తోడైతే
బీజం ధరించు
ఆలోచన ఆచరణ దాల్చితే
జీవితం విజితమై తరించు
3.నాడు సతీసావిత్రి మాటలే
పతి పాలిట ప్రాణదాతలు
నేడు ప్రతిపనికి మూటలే
సకల కార్య సిద్ధి దూతలు
4.కష్టమైనా ఇష్టంగా
రోజూ చెయాలి కసరత్తు
మెచ్చిన మేనుకు వచ్చేను
సర్వరోగ నివారణ కనికట్టు
5.తెగింపుతో
చేసేది పోరాటం
బరితెగింపుతో
చేసేది చెలగాటం
6.గ్రేడుల వేటలో పిల్లలు
కాసుల మోజులో పెద్దలు
కుటుంబ సంబంధాలు
మోడువారిన మొద్దులు
7.పువ్వు పూయడానికి
మొక్క ఎంత శ్రమించిందో
నువ్వు రావడానికి
అమ్మ ఎంత భరించిందో
8.అధికారం బధిరమైతే
సహకారం అంధకారమే
నిరసనలు నిర్లక్ష్యమైతే
నిగ్రహం ఆగ్రహమే
9.కసిరే కోపం
నిమిరే ప్రేమ నాన్న
పిల్లల భవితే
ఆయన తపన
వంగూరి గంగిరెడ్డి
9652286270
షాద్ నగర్
Comment List