పరిగి పట్టణంలోని మినీ స్టేడియం గ్రౌండ్ లో ఏర్పాటు చేసిన నియోజకవర్గ స్థాయి ఇందిరమ్మ కమిటీల సమీక్ష సమావేశంలో అన్ని విభాగాల అధికారులతో డిసిసి అధ్యక్షులు పరిగి ఎమ్మెల్యే డాక్టర్ టి.రామ్మోహన్ రెడ్డి పాల్గొన్నారు. అనంతరం నియోజకవర్గంలోని పలు మండలాలకు చెందిన లబ్ధిదారులకు కళ్యాణ లక్ష్మి, షాదీ ముబారక్ చెక్కులను అందించారు. ఈ సందర్భంగా ఎమ్మెల్యే మాట్లాడుతూ ఇందిరమ్మ కమిటీ సభ్యుల ద్వారానే తెలంగాణ ప్రభుత్వం ప్రతిష్ఠాత్మకంగా చేపట్టిన ఇందిరమ్మ ఇళ్లు ఎంపిక చేసి మంజూరు చేస్తామని తెలిపారు.ఇందిరమ్మ కమిటీ సభ్యులు అందరూ గ్రామాల్లో పేదరికంలో ఉన్నటువంటి వారిని గుర్తించి మొదటి ప్రాధాన్యతగా ఇందిరమ్మ ఇల్లు వచ్చేట్టు ఎంపిక చేయాలని తెలిపారు.
Comment List