కొండెక్కినా కోడిగుడ్డు ధర

- హోల్‌సేల్‌ ధర రూ.7పైన.. రిటైల్‌ రూ.8

లోకల్ గైడ్: కోడి గుడ్డు ధర కొండెక్కింది. గతంలో ఎన్నడూ లేని విధంగా ధర పలుకుతోంది. చలికాలంలో ధరలు పెరగటం సాధారణమే అయినా ఈస్థాయిలో పెరిగిన దాఖలాలు లేవని వ్యాపారవర్గాలు అభిప్రాయపడుతున్నాయి. పెరిగిన ధరలతో గుడ్డు ప్రియులకు గుడ్డు కొనుగోలు భారంగా మారింది. కొద్దిరోజుల్లో క్రిస్మస్‌, నూతన సంవత్సర వేడుకలు ఉన్నాయి. వేడుకలకు అవసరమైన కేక్‌ల తయారీలోనూ కోడి గుడ్ల వినియోగం భారీగానే ఉంటుంది. దీంతో వ్యాపారులు ఇబ్బంది పడే పరిస్థితి. పండుగలు ఉన్నందున ధరలు ఇదేమాదిరిగా ఉండే అవకాశం ఉందని హోల్‌సేల్‌ వ్యాపారులు అభిప్రాయపడుతున్నారు