25 ఏళ్ల క్రితం లాంచ్‌ అయిన ఈ మోడల్‌ మరోసారి నోకియా ప్రియులను అలరించేందుకు సిద్ధమైంది. ఈ ఫోన్‌ ధరను రూ.3,999గా నిర్ణయించారు. అమెజాన్‌, హెచ్‌ఎండీ ఈ స్టోర్‌ వెబ్‌సైట్లలో కొనుగోలు చేయొచ్చు. మరోసారి అదే రెట్రో లుక్‌ను కొనసాగించారు. నీలం, పసుపు, నలుపు రంగుల్లో ఈ ఫోన్‌ లభిస్తుంది.
ఇక ఫీచర్ల విషయానికొస్తే. ఇందులో 2.4 అంగుళాల క్యూవీజీఏ డిస్‌ప్లే ఉంటుంది. యునిసోక్‌ టీ107 ప్రాసెసర్‌ అమర్చారు. వెనకవైపు 2 ఎంపీ కెమెరా అమర్చారు. 64 ఎంబీ ర్యామ్‌ ఇచ్చారు. యూట్యూబ్‌, యూట్యూబ్‌ షార్ట్స్‌, న్యూస్‌, గేమ్స్‌ కోసం వేర్వేరుగా యాప్స్‌ ఇచ్చారు. స్నేక్‌ గేమ్‌ను కొనసాగించారు. ఈ ఫోన్‌లో 1450 ఎంఏహెచ్‌ బ్యాటరీ ఉంటుంది. యూఎస్‌బీ టైప్‌-సి పోర్టుతో వస్తుండడం గమనార్హం. 3.5 ఎంఎం జాక్, ఎంపీ3 ప్లేయర్‌, ఎఫ్‌ఎం రేడియో, డ్యూయల్‌ సిమ్‌ 4జీ voLTE సపోర్ట్‌తో ఈ ఫోన్‌ వస్తోంది.
Comment List