రాణించిన రైజర్స్‌.. చపాక్ లో ఘనవిజయం

లోకల్ గైడ్:

చెన్నైది అదే కథ వరుసగా రెండు ఓటముల తర్వాత ఐపీఎల్‌-18లో సన్‌రైజర్స్‌ హైదరాబాద్‌ (ఎస్‌ఆర్‌హెచ్‌) తిరిగి విజయాల బాట పట్టింది. ప్లేఆఫ్స్‌ రేసులో నిలవాలంటే తప్పక గెలవాల్సిన మ్యాచ్‌లో బంతితో పాటు బ్యాట్‌తోనూ సమిష్టిగా రాణించిన సన్‌రైజర్స్‌.. చెన్నై సూపర్‌ కింగ్స్‌ (సీఎస్‌కే)ను 5 వికెట్ల తేడాతో ఓడించి ఈ సీజన్‌లో మూడో విజయాన్ని నమోదుచేసింది.రైజర్స్‌ అదుర్స్‌.. చెపాక్‌లో చెన్నైపై తొలి విజయం మెరిసిన హర్షల్‌, ఇషాన్‌, కమిందు.చెన్నై: వరుసగా రెండు ఓటముల తర్వాత ఐపీఎల్‌-18లో సన్‌రైజర్స్‌ హైదరాబాద్‌ (ఎస్‌ఆర్‌హెచ్‌) తిరిగి విజయాల బాట పట్టింది. ప్లేఆఫ్స్‌ రేసులో నిలవాలంటే తప్పక గెలవాల్సిన మ్యాచ్‌లో బంతితో పాటు బ్యాట్‌తోనూ సమిష్టిగా రాణించిన సన్‌రైజర్స్‌.. చెన్నై సూపర్‌ కింగ్స్‌ (సీఎస్‌కే)ను 5 వికెట్ల తేడాతో ఓడించి ఈ సీజన్‌లో మూడో విజయాన్ని నమోదుచేసింది. చెపాక్‌లో చెన్నైపై సన్‌రైజర్స్‌కు ఇది తొలి విజయం కావడం విశేషం. లో స్కోరింగ్‌ మ్యాచ్‌లో సీఎస్‌కే నిర్దేశించిన 155 పరుగుల ఛేదనను ఆ జట్టు.. 18.4 ఓవర్లలో 5 వికెట్లు కోల్పోయి పూర్తి చేసింది. ఇషాన్‌ కిషన్‌ (34 బంతుల్లో 44, 5 ఫోర్లు, 1 సిక్స్‌), కమిందు మెండిస్‌ (22 బంతుల్లో 32 నాటౌట్‌, 3 ఫోర్లు) రాణించారు.
మొదట హైదరాబాద్‌ బౌలర్లు కట్టడి చేయడంతో చెన్నై.. 19.5 ఓవర్లలో 154 పరుగులకే ఆలౌట్‌ అయింది. హర్షల్‌ పటేల్‌ (4/28), పాట్‌ కమిన్స్‌ (2/21), జయదేవ్‌ ఉనద్కత్‌ (2/21) ఆతిథ్య జట్టును భారీ స్కోరు చేయకుండా అడ్డుకున్నారు. ఈ సీజన్‌లో చెన్నైకి తొలి మ్యాచ్‌ ఆడుతున్న డెవాల్డ్‌ బ్రెవిస్‌ (25 బంతుల్లో 42, 1 ఫోర్‌, 4 సిక్సర్లు), అయుశ్‌ మాత్రె (19 బంతుల్లో 30, 6 ఫోర్లు) సీఎస్‌కేను ఆదుకున్నారు. ఈ సీజన్‌లో చెన్నైకి ఇది ఆడిన 9 మ్యాచ్‌లకు గాను ఏడో ఓటమి. ఈ ఫలితంతో ప్లేఆఫ్‌ రేసు నుంచి ఆ జట్టు అధికారికంగా నిష్క్రమించినట్టే.